2014年1月31日 星期五

(馬年快樂)趣圖趣聞︰2013-12-18 至 2014-01-31

        新年願望(一)︰祝大家「做隻出位的馬仔,任我獨行南共西;做馬仔終於上位,現已命名無敵威……每事亦能自制,前路不可估計」﹗

       新年願望(二)︰祝香港人能活出自己的路,驅走「歷史的道標」的魔爪﹗

        好提議﹗不過我向來冇乜年可拜,新年更感無聊……月巴氏〈每當拜年時,我面對的問題總是……〉︰「到了我這一個『冇家室 + 冇成就』的人生階段,拜年時面對的親戚提問離不開兩條。1. 依家做盛行吖?2. 點解仲未結婚嘅?(有些親戚或會順勢問埋:『唔帶埋女朋友出嚟見吓人?』)答問題 1,不難,反正你不是從事非法行業便可問心無愧地答,真正的難,是難在回應他們總是以食鹽多過你食老麥的老 Seafood 姿態,對你做緊嗰行所作出的種種非專業意見。……問題 2。『點解仲未結婚嘅?唔帶埋女朋友出嚟見吓人?』隱藏了一個信息:問者有理冇理都先 suppose 咗你本身是有拍拖的,而既然拍得拖,就好應該快快趣結埋婚。面對這種陰濕問題,我已經諗定好幾種回應方式。決絕地。A. 結咗婚咪唔到你封大利是?(適用於每年都只派 10 蚊利是的親戚)B. 如果結咗,下年你就會問我點解唔生 B?我不想去撲奶粉,更不想做怪獸家長囉。(適用於怪獸家長親戚)C. 因為香港不會承認我同佢的婚姻。(適用於衛道親戚)D. 咁你又唔帶埋小三出嚟見吓人哈哈哈哈!(適用於傳聞中有拈花惹草或紅杏出牆的親戚)Yeah,我已經裝備好自己,迎接各路親戚。」(2014-01-29)

        各位當教師的朋友,想了解各區學校生態,或為學校澄清謠言的,不妨看看高登討論區的〈18 區中學武館大全 2014〉……唉,這類玩笑文章不盡不實,看者過癮,其實害苦很多人呢……
        哈哈哈,果然真正的皇仁仔﹗(戴頭盔)其實皇仁有很多好老師,大家別誤會啊﹗譚蕙芸〈沈祖堯——從拯救生命到灌溉心靈〉︰「沈祖堯畢業於皇仁中學,兩個女兒皆入讀拔萃女書院。筆者挑戰沈校長,家長一窩蜂選名校,值得鼓勵嗎?沈校長思前想後,笑着爆出一句:『其實……皇仁真係教得好差架,老師係好求其吓,老師覺得,話之你,你考到就考到。』待記者收起訝異的表情,他才解釋,皇仁有一種風氣,學生有很強的自發性,不會倚靠老師,而是向其他學校同學借筆記,自行溫習。沈祖堯還披露,2003 年自己擔任皇仁的畢業禮嘉賓,發現皇仁這年有多個考獲十優九優學生,他向時任校長的李樂然查詢後,獲得一個耐人尋味的答案:『校長跟我解釋,「你知啦,我們不給學生補課的,今年遇上 SARS,全香港的學校都沒法補課,我們就贏哂囉」』,可見皇仁有一種氛圍,學生自學能力甚高。」(2014-01-30)



4 則留言:

  1. 做隻出色的馬仔。好!祝你今年勁行桃花運!香港人拚出個未來!

    回覆刪除
    回覆
    1. 哈哈,桃花運,這個真要承你貴言﹗ :P

      祝你新年快樂,馬年行大運﹗

      刪除
  2. 來和你拜個年,祝你身體健康,工作順利,也要祝你「馬上有對象」,哈哈!

    回覆刪除
    回覆
    1. 哈哈,謝謝﹗大家咁話﹗馬年開開心心﹗

      刪除